Плус...

...еден убав туторијал за Photoshop CS3...(на хрватски), клик тука да го преземете (околу 40МВ)... и една online алатка за уредување на слики, слична на фотошоп, тука... за распустот кој сака да се надгради...:)

Задача 10

...и последна за оваа година (ама календарска:)...
за крај, направете една честитка за Новата 2012 Година...со димензии 1024х768рх
за позадина земете некој убав, зимски мотив/слика или сами направете а како елементи (елка, лампиони, снешковци и сл.) или сами нацртајте или симнете веќе готови облици (shapes) од тука
на пример (од 2010),

Рок: 29.12.2011

п.с. за крај од мене, а да не е задача ;) ви посакувам, пред се', да бидете живи и здрави, весели, да се радувате повеќе и...да учите повеќе :) (ова последното...кој сака...:)

Задача 9

За оваа задача треба да направите нешто како беџ, легитимација...со димензии 9х5 cm.
Позадината направете ја со некој градиент и употребете некој од филтрите (текстура, замаглување, светлосни ефекти...) а за другите елементи употребете различни стилови на слоеви (сенка, текстура, бевел, ембоус...)
На документот, да има:

• слика (ваша или друга)
• назив на училиштето (фирмата во која би работеле)
• име презиме и клас (или функција во фирмата)
• амблем на школото (фирмата)
• телефон, имејл, www и сл...

Рок: 25.12.2011

Задача 8

Со помош на алатките за селекција/избор, изберете делови од 4-5 слики и како слоеви поставете ги на една слика со димензии 1024х768рх (или 800х600). Снимете ја во формат jpg или png и поставете на боксот. За тема...изберете сами...(ама економистите-нешто со пари и бизнис; угостителите-нешто со хотели и ресторани; машинците-нешто со автомобили и мотори; гимназија-од се по нешто:)

Рок: 18.12.2011

Задача 7

До крај на полугодието ќе работиме со растерска графика...

За почеток: да направите слика со димензии 1024х768 рх користејќи позадина и 2-3 слоја.
За пополнување со боја на позадината, употребете ја алатката за градиент, а за цртање-алатката четка (brush).
Темата на цртежот сами одберете си ја :)

Рок: 11.12.2011

Задача 6

Тема на оваа задача се: презентации.
И пак, треба да направите две презентации:
1. по ваш избор со: интересни слики, факти, мисли...и песна во позадина :)
2. со образовна содржина со линкови помеѓу слајдовите
Посебни услови:

• на почетокот да има наслов со темата на презентацијата и запис за тоа кој го направил
• помеѓу слајдовите да има различни премини/транзиции
• за елементите на слајдовите (текст, слика...) да се применат различни ефекти при појавување на слајдот
• презентацијата да има барем 10 слајда
• да биде снимена како самостојна презентација (show) и таква поставена на боксот

Напомена: ако имате музика на презентацијата, а не ви е вградена во неа, при поставување на боксот, покрај фајлот за презентација, треба и музичкиот фајл да го ставите на исто место во боксот (во фолдерот Задача6).

Рок: 27.11.2011

Задача 5

За оваа задача треба да направите видео клип(ови).
Задачата има два дела:

1. да направите видео клип, по ваш избор, од интересни слики (може да ги најдете било каде... или на Photobucket од каде ќе си одберете некоја категорија, ќе симнете интересни слики и ќе направите видео) при што:

• на почетокот да има наслов со темата на видеото
• на крај да има запис за тоа кој го направил
• помеѓу сликите да има различни премини/транзиции
• да има музика (или ваш тонски запис)
• големината на фајлот да биде околу 10 МВ (± 2-3МВ)

2. да направите видео клип со образовна содржина од некој предмет: физика, хемија биологија, историја, географија ... информатика (одберете си сами предмет и лекција/тема што ќе ја опфатите) или...да пронајдете три видео клипа од YouTube, Metacafe...и слични video sharing сајтови, со образовни содржини и нивните линкови да ги поставите во вашиот бокс.

Доколку имате YouTube (или некој друг video sharing) акаунт, поставете ги изработените клипови таму а во боксот поставете ги линковите до нив.

*за тие што сакаат повеќе од MovieMaker, на првата страна има линк до Camtasia

Рок: 09.11.2011

Задача 4

Тема на оваа задача е: уредување на звучни/аудио фајлови.
Ќе треба да направите два звучни фајла со отсечени делови од барем пет други аудио фајлови-песни при што должината да не биде поголема од 2 минути. (едниот нека биде со англиски, а другиот со македонски песни...)
За тоа ќе треба да користите некоја програма за аудио уредување (audio editor), на пример Audacity  или некоја друга, по ваш избор...

Напомена: ако користите Audacity, за да експортирате во mp3 формат ќе треба дополнително да симнете и инсталирате Lame mp3 encoder (ова е линк до фајлот lame_enc.dll симнете го и кога програмата ќе побара, одете со browse до него...ќе се снајдете:)

Двата фајла поставете ги на вашиот бокс во фодерот Задача4.

Рок: 24.10.2011

Задача 3

За оваа задача треба да направите две анимации од неколку (барем 5) слики.
За едната да користите веќе готови слики, да ги направите во исти димензии (не поголеми од 300х300 пиксели), да ги снимите во соодветен, gif, формат и да ги подредите во еден gif фајл со некоја програма за gif анимација (како GifAnimator (од почетната страна). За отсекување на дел од слика, може да ја користите Irfanview програмата (ја има на почетната страна...).

 

За другата, да нацртате нешто (на пример во Paint...), со димензии не поголеми од 300х300 пиксели...

Изработените фајлови поставете ги во фолдерот Задача 3 ...

Рок: 16.10.2011 (заедно со втората задача :)

Задача 2

За втората задача, треба да направите Panoramio профил/акаунт (за тоа ќе ви треба активен е-mail акаунт, а доколку имате на gmail тогаш може директно со него да се логирате) и на него да поставите и мапирате со точна локација од каде е сликано, барем пет слики од вашата околина (поглед кон вашата улица/куќа, кон градот/селото во кое живеете, некои позначајни места околу вас...).
Сликите (од мобилен или дигитален апарат) прво намалете ги на 800х600 или 1024х768 пиксели и такви аплоудирајте ги.
Адресата на вашиот панорамио акаунт (нешто како http://www.panoramio.com/user/112656 -ова е мојот) поставете го на вашиот бокс во фолдерот Задача2, како линк.


Напомена: пред да сликате, проверете на Google Maps/Earth дали веќе има такви слики...да не се повторуваат.


Рок: 16.10.2011 (имате време, сликајте на убаво, сончево, време:)

Задача 1

Темата на оваа задача е слободен софтвер (freeware)
Ваше е да пронајдете слободен софтвер-програми од три категории:

• слики и дизајн
• аудио и видео
• дом и образование

(Може да пребарувате било каде на Интернет, а може и да кликнете на линковите од погоре)
Откако ќе пронајдете по една корисна програма од трите категории (што би била интересна и за други), опишете со неколку реченици за што се работи и зачувајте го како naziv_na _programata.txt фајл, на македонски и кирилица.
Текстуалните фајлови, како и линковите до програмите за превземање (download) поставете ги на вашиот бокс ви фолдерот Задача1.
Напомена: избраните програми пробајте да ги инсталирате и да ги активирате (ако не ви се допаѓаат, преминете на други)...за една од следните задачи ќе треба да направите презентација за истите програми (со слики и објаснување за поважните опции).


Рок: 03.10.2011

За почеток...

... како прва (или нулта :) задача е да направите свој 'бокс'-простор на интернет за чување свои податоци, каде ќе ги поставувате изработените задачи.


За оваа задача, треба:

1. да направите акаунт/профил на box.net (со активна e-mail адреса)
2. да направите фолдер со име: IТ2xxyy (каде xx e двоцифрен број на паралелката, а yy е редниот број во дневникот) и во делот за пристап ставете ја мојата e-mail адреса со тип viewer (како на сликата подолу)
3. во претходно направениот фолдер, направете фолдер Задача1 (во неа ќе ги поставите изработените фајлови/линкови од првата задача која ќе следи...наскоро)
4. за следните задачи, ќе правите соодветни фолдери и во нив ќе ги upload-ирате 

Рок: 26.09.2011