Задача16-последна :)

За крај...една публикација/брошура...
Со програма за креирање публикации, направи една презентација во форма на троделна брошура со тема по твој избор: некој производ (телефон, кола, мотор...), услуга (како на сликата ;), град/село,  манифестација, настан, туристичко место, хотел, туристички аранжман ... и сл.
(еден пример...само првата страна :)

По можност, сними ја како pdf формат...

Рок: ...до крај...

а на крај: убав помин за летниот распуст...живи, здрави и се гледаме пак во септември...(нема веќе задачи да ве 'мачам' (как шо вике некој;)...:)

Задача15-струки

Со помош на програма за табеларни пресметки направи фактура (како на сликата) со 5-6 артикли.
Вредностите во ќелиите со сива боја да се добијат со соодветни формули, а другото: текст и бројки, по сопствен избор.

Рок: 05.06.2012

Задача 15-гимназија

Со помош на обичен текст едитор (Notepad) и HTML, направи веб страна со име: imeprezimeklas.html и постави ја на твојот бокс.
Страната да ги задоволува следните услови:

• содржината да е во форма на табела со ширина 800рх а првата колона 200рх, со линии и боја на позадина, централно порамнета
• во првата ќелија да има слика/лого од гимназија
• во втората: име, презиме, клас и слика од 13. задача со линк до твојот weebly сајт
• во третата: слики и линкови до соодветните сајтови од други ученици (барем 5-6)
• во четвртата: текст, слика и видео...

Како пример:

(на македонски објаснување за слики и табели...тука )
Рок: 28.05.2012

Oсновни елементи и историја на HTML

Неколку корисни линкови за основи и историја на HTML:

• http://www.w3schools.com/html/default.asp
• http://htmldog.com/guides/htmlbeginner/
• http://aqeel.8m.net/sec1.html
• историја на HTML (од mk.wikipedia)
• HTML (од en.wikipedia)

И една страна со корисни алатки за избор на бои за веб страни: http://colorsontheweb.com/colorwizard.asp

...ова како подготовка за следната задача...

Задача 14

Направи веб сајт, на weebly.com со име: itxxyy (каде xx-е класот, а yy-е редниот број во дневникот).
Нешто како: it0208.weebly.com (клас-2, реден број-8)


За тема, одбери сам, по твој избор а за пример види ги следните: за мистерии, за екстремни спортови, за фотографии, за гитари и секакви занимливости, за музика, чоколада...

Сајтот да има барем 5 страни (можеш и повеќе):

• почетна-на која ќе опишеш што има на другите страни...
• страна со видеа од youtube во врска со темата
• страна со слики-галерија или слајд шоу, во врска со темата
• ...и други, со текст, слики и линкови...

Рок: 15.04.2012

Задача 13

За оваа задача, треба да направите rollover копче, а тоа се две сликички со ваше име, презиме и клас.
Сликите да бидат со димензии 200х30 пиксели (пазете: ПИКСЕЛИ, не инчи, сантиметри или нешто друго!) и да се разликуваат една од друга по боја на позадина и текст.
Снимете ги како png или jpg и со име: ime-prezime-klas-normal и ime-prezime-klas-over. (ќе послужат како копче-линк до вашиот веб сајт...покасно:)
пример:

Рок: 01.04.2012

За повторување

Од векторска графика, за повторување:

• цртање основни графички објекти
  (права, крива, полигон, правоаголник/квадрат, елипса/круг...)
• доделување атрибути на објекти
  (големина, линија, позадина...)
• трансформации на објекти
  (поместување, ротација, закосување...)
• работа со текст
  (параграф и артистик)
• специјални ефекти
  (сенка, тродимензионален ефект, проѕирност...)

Пример на задачи за оценки:

Рок: 12-16.03.2012

Задача 12

За оваа задача, со програма за векторска графика, треба да направите план/скица, со точни димензии (за куќа-приближно, за другото: има на сликата) во размер 1:100 ( 1cm на скица = 100cm (1m) реално).
Изберете едно од:

• куќа/стан
• ресторан
• канцеларија
• игралиште за
  -фудбал
  -кошарка
  -ракомет
• ...или нешто друго..

Пример на некои скици:

 

 

(клик на сликата за да ги видите димензиите, а текстот и боите, по ваш избор)

Рок: 11.03.2012

Задача 11

Како прва вежба од векторска графика: од трите слики, избери по три симболи/знамиња и со алатките за цртање основни објекти, алатката за обликување (shape) и алатките за трансформации, нацртај ги и зачувај ги во оригиналниот формат. Фајлот постави го на твојот бокс во фолдер Задача 11.

  

п.с. за знамињата, односот на страните нека биде 2:1

Рок: 20.02.2012

Второ полугодие

За почеток, додека не влеземе во форма :), нешто за вежбање од првите чекори од векторска графика. Пробајте, со алатките за цртање основни елементи (права, крива, правоаголник/квадрат, елипса/круг) и со алатката за обликување (shape) да ги извршите следните вежби:

1. права линија долга 10 cm - хоризонтална/вертикална
 2. крива линија во форма на парабола/синусоида.
 3. полигонална линија во форма на пила/полигон во форма на пила.
 4. правоаголник со страни 16 cm и 9 cm/заоблен правоаголник.
 5. квадрат со страна 10 cm/заоблен квадрат.
 6. правоаголен триаголник со катети 10 cm и 5 cm
 7. рамностран триаголник со страна 10 cm.
 8. рамнокрак трапез со една страна 10 cm и висина 6 cm.
 9. елипса со ширина 10 cm и висина 5 cm/полуелипса-долниот дел.
10. кружница со дијаметар 10 cm/четвртина од круг.

Рок: нема :)